NAVSARI FREE PRESS

નવતર ઈકો–પર્યાવરણ શાળા પ્રોજેક્ટમાં ખેરગામ તાલુકાની શાળાઓની જિલ્લાકક્ષાએ નોંધપાત્ર સિદ્ધિ ગુજરાત શૈક્ષણિક સંશોધન અને તાલીમ પરિષદ (જી.સી.ઈ.આર.ટી.), ગાંધીનગરની પ્રેરણાથી તથા જિલ્લા શિક્ષણ અને તાલીમ ભવન, નવસારી દ્વારા આયોજિત  નવતર ઈકો–પર્યાવરણ શાળા પ્રોજેક્ટ (વર્ષ 2024–25)  અંતર્ગત ખેરગામ તાલુકાની શાળાઓએ જિલ્લાકક્ષાએ ગૌરવસભર સિદ્ધિ મેળવી છે. આ પ્રોજેક્ટ હેઠળ  ખાખરી ફળિયા પ્રાથમિક શાળા, ખેરગામ તાલુકા  એ જિલ્લાકક્ષાએ  પ્રથમ ક્રમાંક  પ્રાપ્ત કર્યો છે, જ્યારે  વાવ પ્રાથમિક શાળા  એ  દ્વિતીય ક્રમાંક  મેળવી તાલુકાનું નામ ઉજાગર કર્યું છે. બંને શાળાના શિક્ષકમિત્રોને માનનીય  નવસારી જિલ્લા કલેક્ટરશ્રી ક્ષિપ્રા આગ્રે મેડમ ના હસ્તે પ્રમાણપત્ર તથા શિલ્ડ અર્પણ કરવામાં આવ્યા હતા. શાળાઓ દ્વારા પર્યાવરણ સંરક્ષણ પ્રત્યે દાખવેલી જાગૃતિ, વિદ્યાર્થીઓમાં હરિત ચેતનાનું સંવર્ધન કરવા માટે અપનાવાયેલા નવીન અભિગમ અને સતત પ્રશંસનીય કામગીરી બદલ, જી.સી.ઈ.આર.ટી., ગાંધીનગરના માર્ગદર્શન હેઠળ જિલ્લા શિક્ષણ અને તાલીમ ભવન, નવસારી દ્વારા શાળાઓને પ્રમાણપત્ર આપી સન્માનિત કરવા...

    પ્રાથમિક શાળા વાડાના મુખ્ય શિક્ષકને જિલ્લા પંચાયત નવસારીનું ઉત્કૃષ્ઠતા પ્રમાણપત્ર  જિલ્લા પંચાયત નવસારી દ્વારા શિક્ષણ ક્ષેત્રે ઉત્કૃષ્ઠ કામગીરી બદલ પ્રાથમિક શાળા વાડા, તાલુકો નવસારીના મુખ્ય શિક્ષક શ્રી વિશાલસિંહ દૌલતભાઈ રાઠોડને વર્ષ ૨૦૨૫–૨૬ માટે ઉત્કૃષ્ઠતા પ્રમાણપત્રથી સન્માનિત કરવામાં આવ્યા છે. વર્ષ ૨૦૨૫–૨૬ દરમિયાન શ્રી રાઠોડે શિક્ષણ ક્ષેત્રે નિષ્ઠાપૂર્વક, ખંતપૂર્વક તથા નવીન અભિગમ સાથે કામગીરી કરી નવસારી જિલ્લાની શૈક્ષણિક પ્રગતિમાં નોંધપાત્ર યોગદાન આપ્યું છે. વિદ્યાર્થીઓના સર્વાંગી વિકાસ, શૈક્ષણિક ગુણવત્તામાં સુધારણા તેમજ વિવિધ શૈક્ષણિક અને સમાજોપયોગી કાર્યક્રમોના સફળ અમલમાં તેમનો ફાળો પ્રશંસનીય રહ્યો છે. આ ઉત્કૃષ્ઠ કામગીરી બદલ જિલ્લા પંચાયત નવસારીના જિલ્લા વિકાસ અધિકારી શ્રીમતી પુષ્પલતા મેડમના હસ્તે તેમને ઉત્કૃષ્ઠતા પ્રમાણપત્ર આપી સન્માનિત કરવામાં આવ્યા હતા. આ પ્રસંગે આવનારા સમયમાં પણ તેઓ આવી જ નિષ્ઠા, સમર્પણ અને ઉત્સાહ સાથે કાર્ય કરી સમાજ તથા શિક્ષણ ક્ષેત્રે સતત યોગદાન આપતા રહેશે તેવી શુભેચ્છા વ્યક્ત કરવામાં આવી હતી. આ પ્રસંગે નવસારી જિલ્લા પ્રાથમિક શિક્ષક સંઘ અને ...

         નવસારી જુનિયર હોકી ટીમ રાજ્ય ચેમ્પિયન 🏑 હોકી ગુજરાતના નેજા હેઠળ તથા હોકી રાજકોટ દ્વારા મેજર ધ્યાનચંદ હોકી સ્ટેડિયમ, રાજકોટ ખાતે આયોજિત ગુજરાત સ્ટેટ જુનિયર ભાઈઓ હોકી ચેમ્પિયનશીપ 2025-26માં નવસારી જિલ્લાની જુનિયર હોકી ટીમે શાનદાર પ્રદર્શન સાથે ચેમ્પિયનશીપનો ખિતાબ જીત્યો છે. સ્પર્ધા દરમિયાન નવસારી ટીમે દરેક મેચમાં દમદાર રમત રજૂ કરી. પ્રથમ મેચમાં યજમાન રાજકોટને 7-0થી પરાજિત કર્યા, સેમિફાઇનલમાં અમરેલી સામે 6-1થી ભવ્ય જીત નોંધાવી અને ફાઇનલ મુકાબલામાં દાહોદને 3-2થી હરાવી ચેમ્પિયન બનવાનો ગૌરવ પ્રાપ્ત કર્યો. આ ઐતિહાસિક સિદ્ધિ બદલ તમામ વિજેતા ખેલાડીઓ તથા ટીમને ઉત્તમ માર્ગદર્શન આપનાર કોચ શ્રી શિરીષભાઈ પટેલને હાર્દિક અભિનંદન પાઠવવામાં આવ્યા છે. નવસારી જિલ્લાની આ સફળતાએ સમગ્ર જિલ્લામાં ગૌરવની લાગણી જગાવી છે અને યુવા ખેલાડીઓ માટે પ્રેરણારૂપ બની છે. 🏑 #NavsariHockey #GujaratStateJuniorHockey #StateChampions #JuniorHockeyChampionship #HockeyGujarat #NavsariPride #ChampionsOfGujarat #HockeyIndia #YoungAthletes #SportsExcellence #khergamnews #sbkhergam #khergamblogger...

માનનીય નાણા મંત્રી શ્રી કનુભાઇ દેસાઈની ઉપસ્થિતિમાં ચીખલી ખાતે ૭૭મા પ્રજાસત્તાક પર્વની ભવ્ય ઉજવણી.  નવસારી જિલ્લાના ચીખલી ખાતે નેશનલ ક્રિકેટ ગ્રાઉન્ડ પર ૭૭મા પ્રજાસત્તાક પર્વની જિલ્લા કક્ષાની ઉજવણી ગુજરાત રાજ્યના માનનીય નાણા મંત્રી શ્રી કનુભાઇ દેસાઈની ઉપસ્થિતિમાં આન, બાન અને શાન સાથે યોજાઈ. રાષ્ટ્રધ્વજ ફરકાવ્યા બાદ મંત્રીશ્રીએ સંબોધનમાં જણાવ્યું કે પ્રજાસત્તાક પર્વ સંવિધાનના મૂલ્યોને આત્મસાત કરી રાષ્ટ્ર નિર્માણનો સંકલ્પ કરવાનો પાવન અવસર છે. તેમણે ૨૦૪૭ સુધીમાં વિકસિત ભારત બનાવવા સરકાર, સમાજ અને નાગરિકોના સંયુક્ત પ્રયાસો જરૂરી હોવાનું જણાવ્યું હતું. મંત્રીશ્રીએ માનનીય પ્રધાનમંત્રીશ્રી નરેન્દ્રભાઇ મોદીના નેતૃત્વમાં દેશે આત્મનિર્ભરતા, ટેકનોલોજી અને ઈન્ફ્રાસ્ટ્રક્ચર ક્ષેત્રે સિદ્ધિઓ હાંસલ કરી હોવાનું જણાવ્યું તથા માનનીય મુખ્યમંત્રી શ્રી ભૂપેન્દ્રભાઇ પટેલના નેતૃત્વમાં ગુજરાત સુશાસન અને વિકાસના માર્ગે આગળ વધી રહ્યું હોવાનું ઉમેર્યું. આ પ્રસંગે શ્રેષ્ઠ કામગીરી કરનાર કર્મયોગીઓનું સન્માન કરવામાં આવ્યું. ઉજવણી દરમિયાન વિદ્યાર્થીઓના દેશભક્તિપૂર્ણ સાંસ્કૃતિક કાર્યક્રમો, ટેબ્લોઝ અને શિસ્તબદ્ધ માર...

  ઢોડિયા સમાજની ભવ્ય ક્રિકેટ ટુર્નામેન્ટમાં ખેરગામ લાયન ચેમ્પિયન ચીખલી તાલુકાના કલિયારી ગામ ખાતે આવેલા ક્રિકેટ ગ્રાઉન્ડ પર જય ભવાની મિત્ર મંડળ દ્વારા મકરસંક્રાંતિના પાવન પર્વ નિમિત્તે ઢોડિયા સમાજના ક્રિકેટ મિત્રોને પ્રોત્સાહન આપવાના હેતુથી દર વર્ષની જેમ આ વર્ષે પણ ભવ્ય ટેનિસ ક્રિકેટ ટુર્નામેન્ટનું આયોજન કરવામાં આવ્યું હતું. આ ટુર્નામેન્ટમાં ઢોડિયા સમાજની કુલ 164 ટીમોએ ઉત્સાહપૂર્વક ભાગ લીધો હતો. ટુર્નામેન્ટની અંતિમ ફાઇનલ મેચ ખેરગામ લાયન અને અટગામ ઇલેવન વચ્ચે રમાઈ હતી. જેમાં ખેરગામ લાયન ટીમે પ્રથમ બેટિંગ કરીને 6 ઓવરમાં 84 રનનો લક્ષ્યાંક આપ્યો હતો. તેના જવાબમાં અટગામ ઇલેવન ટીમ 6 ઓવરમાં માત્ર 73 રન બનાવી શકતા ખેરગામ લાયન ટીમ વિજેતા બની હતી. ખેરગામ લાયનની જીત સાથે ગ્રાઉન્ડ પર હાજર સમર્થકો ડીજેના તાલે ઝૂમી ઉલ્લાસપૂર્વક વિજયની ઉજવણી કરી હતી. ચેમ્પિયન બનેલી ખેરગામ લાયન ટીમના તમામ ખેલાડીઓને ખેરગામ વાસીઓ તથા ક્રિકેટ રસિકોએ અભિનંદન પાઠવ્યા હતા. નોંધનીય છે કે છેલ્લા પાંચ વર્ષમાં યોજાયેલી ઢોડિયા સમાજની ક્રિકેટ ટુર્નામેન્ટમાં ખેરગામ લાયન ટીમે ચાર વખત ફાઇનલ જીતી નોંધપાત્ર સિદ્ધિ હાંસલ કરી છે.

       ખેરગામની પોમાપાળ પ્રાથમિક શાળામાં પતંગોત્સવની આનંદમય ઉજવણી નવસારી જિલ્લાના ખેરગામ તાલુકાની પોમાપાળ પ્રાથમિક શાળામાં મકરસંક્રાંતિ નિમિત્તે પતંગોત્સવની આનંદમય ઉજવણી કરવામાં આવી. કાર્યક્રમ દરમિયાન શાળાના વિદ્યાર્થીઓએ ભારે ઉત્સાહ અને આનંદ સાથે ભાગ લીધો હતો. શાળાના આંગણાં તથા મેદાનમાં બાળકોએ પતંગ ચગાવી ઉત્સવનો ભરપૂર આનંદ માણ્યો. પતંગ કપાતાં “કાયપો કાયપો”, “ખેંચ ખેંચ”, “લપેટ લપેટ” જેવી બૂમો અને ચીચીયારીઓથી સમગ્ર શાળા પરિસર ગુંજી ઉઠ્યો અને વાતાવરણ ઉત્સાહભર્યું બની ગયું. આ અવસરે શાળા પરિવાર દ્વારા તમામ બાળકોને તલના લાડુ તથા ચીકી ખવડાવી મોં મીઠું કરાવવામાં આવ્યું. સૂર્યનારાયણ ભગવાનના મકર રાશિમાં પ્રવેશના પાવન અવસરને ઉજવવા માટે આયોજિત આ પતંગોત્સવે બાળકોમાં પરંપરા, આનંદ અને એકતા ભાવના વિકસાવવામાં મહત્વની ભૂમિકા ભજવી અને કાર્યક્રમ સૌ માટે યાદગાર બન્યો.

 રસાકસીભર્યા ફાઇનલ મુકાબલામાં વાંસદા વિજેતા, ખેરગામ રનર-અપ તારીખ 10 અને 11ના રોજ નવસારી જિલ્લા પ્રાથમિક શિક્ષક સંઘ દ્વારા મહિલા ક્રિકેટ ટુર્નામેન્ટનું સફળ આયોજન કરવામાં આવ્યું હતું. આ ટુર્નામેન્ટમાં નવસારી જિલ્લાના છ તાલુકાની તમામ મહિલા ટીમોએ ઉત્સાહપૂર્વક ભાગ લીધો હતો. સ્પર્ધાના સેમી ફાઇનલમાં ચીખલી, વાંસદા, નવસારી અને ખેરગામ તાલુકાની ટીમોએ સ્થાન મેળવ્યું હતું. પ્રથમ સેમી ફાઇનલ વાંસદા અને નવસારી વચ્ચે રમાઈ, જેમાં વાંસદા તાલુકાની ટીમ વિજય મેળવી ફાઇનલમાં પહોંચી હતી. બીજી સેમી ફાઇનલ ચીખલી અને ખેરગામ વચ્ચે અત્યંત રસાકસીભરી રહી, જેમાં મેચ ટાઈ થયા બાદ સુપર ઓવરમાં ખેરગામની ટીમે જીત મેળવી ફાઇનલમાં પ્રવેશ કર્યો હતો. ફાઇનલ મુકાબલો વાંસદા અને ખેરગામ વચ્ચે રમાયો, જેમાં છેલ્લી ઓવર સુધી ચાલેલી કડક સ્પર્ધા બાદ વાંસદા તાલુકાની ટીમ ચેમ્પિયન બની હતી. આ ટુર્નામેન્ટે મહિલા શિક્ષકોમાં રમતગમત પ્રત્યેનો ઉત્સાહ અને ટીમ ભાવનાને મજબૂત બનાવી.

        શિક્ષણક્ષેત્રે દાયકાઓની સેવા બાદ ખેરગામ તાલુકાની રૂઝવણી (પટેલ ફળિયા) પ્રાથમિક શાળાના શિક્ષક દંપતી અશોકભાઈ પટેલ અને દક્ષાબેન પટેલ નિવૃત્ત. નવસારી જિલ્લા પંચાયત શિક્ષણ સમિતિ સંચાલિત રૂઝવણી પટેલ ફળિયા પ્રાથમિક શાળા, તા. ખેરગામ ખાતે શાળાના મુખ્ય શિક્ષક શ્રી અશોકભાઈ નાનાભાઈ પટેલ તથા ઉપ શિક્ષિકા શ્રીમતી દક્ષાબેન સોમાભાઈ પટેલના નિવૃત્તિ પ્રસંગે સન્માન સમારંભ યોજાયો હતો. શ્રી અશોકભાઈ પટેલે ૩૮ વર્ષથી વધુ સમય શિક્ષણ ક્ષેત્રે નિષ્ઠાપૂર્વક સેવા આપી છે. તા. ૨૦-૦૮-૨૦૧૫ના રોજ રૂઝવણી પટેલ પ્રાથમિક શાળામાં જોડાયા બાદ તેમના માર્ગદર્શન અને મહેનતથી શાળાની શૈક્ષણિક ગુણવત્તા તથા વિદ્યાર્થીઓની સંખ્યા નોંધપાત્ર રીતે વધી. તેઓ પ્રતિભાશાળી શિક્ષક એવોર્ડથી પણ સન્માનિત થયા છે. ઉપ શિક્ષિકા શ્રીમતી દક્ષાબેન સોમાભાઈ પટેલે ૩૯ વર્ષથી વધુ સમય સેવા આપી ધોરણ ૧ થી ૨ના બાળકોના સંસ્કારઘડતરમાં મહત્વપૂર્ણ યોગદાન આપ્યું. શૈક્ષણિક કાર્ય ઉપરાંત સાંસ્કૃતિક પ્રવૃત્તિઓમાં પણ તેમણે નોંધપાત્ર કામગીરી કરી હતી. નિવૃત્તિ પ્રસંગે શાળા પરિવાર, ગ્રામજનો અને વાલીઓ દ્વારા બંને શિક્ષકોને શાલ, સ્મૃતિચિહ્ન તથા સન્માનપત...