ખેરગામના લોકપ્રિય યુવા અગ્રણી, પત્રકાર અને ડેપ્યુટી સરપંચ શ્રી જીગ્નેશભાઈ પટેલને જન્મદિવસની હાર્દિક શુભેચ્છાઓ 🎂💐 ખેરગામના જાણીતા પત્રકાર, રાજકીય તેમજ સામાજિક અગ્રણી અને ખેરગામ ગ્રામ પંચાયતના ડેપ્યુટી સરપંચ શ્રી જીગ્નેશભાઈ પટેલનો આજે જન્મદિવસ ઉજવાઈ રહ્યો છે. આ અવસરે વિવિધ સામાજિક, રાજકીય તેમજ પત્રકાર મિત્ર વર્તુળોમાંથી તેમને શુભેચ્છાઓ પાઠવવામાં આવી રહી છે. શ્રી જીગ્નેશભાઈ પટેલે હંમેશા સમાજ સેવા, લોકહિત અને નિડર પત્રકારિતાના ક્ષેત્રે નોંધપાત્ર કામગીરી કરી છે. ખેરગામ ગ્રામ પંચાયતના ડેપ્યુટી સરપંચ તરીકે તેઓ ગામના વિકાસકાર્યોમાં સક્રિય ભૂમિકા નિભાવી રહ્યા છે. સાથે સાથે સામાજિક એકતા, યુવાનોના માર્ગદર્શન અને જનહિતના પ્રશ્નોને અવાજ આપવાની તેમની કામગીરી પ્રશંસનીય રહી છે. જન્મદિવસ નિમિત્તે શુભેચ્છકોએ તેમના ઉત્તમ સ્વાસ્થ્ય, દીર્ઘાયુષ્ય, સુખ-સમૃદ્ધિ અને સતત પ્રગતિ માટે શુભકામનાઓ વ્યક્ત કરી છે. તેઓ ભવિષ્યમાં પણ સમાજ અને લોકહિત માટે આવું જ સેવાકાર્ય કરતા રહે તેવી શુભેચ્છાઓ પાઠવવામાં આવી છે. 🎉 શ્રી જીગ્નેશભાઈ પટેલને જન્મદિવસની ખૂબ ખૂબ હાર્દિક શુભકામનાઓ. 🎂
News updates : કાલિયાવાડી પ્રાથમિક શાળાના નવનિર્મિત મકાનનું ભવ્ય લોકાર્પણ કાર્યક્રમ યોજાયો. કાલિયાવાડી પ્રાથમિક શાળાના નવનિર્મિત મકાનના લોકાર્પણનો કાર્યક્રમ ભવ્ય રીતે યોજાયો હતો. આ સમારંભના અધ્યક્ષ તરીકે માનનીય ધારાસભ્યશ્રી નવસારી શ્રી રાકેશભાઈ દેસાઈ તેમજ મુખ્ય મહેમાનશ્રી અજયભાઈ દેસાઈ, અધ્યક્ષશ્રી નગર પ્રાથમિક શિક્ષણ સમિતિ નવસારી ઉપસ્થિત રહ્યા હતા. કાર્યક્રમમાં તાલુકા પ્રાથમિક શિક્ષણ અધિકારી શ્રી ફુલચંદભાઈ ભક્તાણી, શ્રી હેમંતસિંહ ચૌહાણ (પ્રમુખશ્રી, નવસારી તાલુકા પ્રાથમિક શિક્ષક સંઘ), શ્રી વિશાલસિંહ રાઠોડ (પ્રમુખશ્રી, નવસારી તાલુકાના પ્રાથમિક શિક્ષકોની સહકારી મંડળી) તથા શ્રી વિજયભાઈ પટેલ (મહામંત્રી, નવસારી તાલુકા પ્રાથમિક શિક્ષક સંઘ) અને સંગઠનના હોદ્દેદારો ઉપસ્થિત રહ્યા હતા. આ પ્રસંગે ગામના અગ્રણીઓ શ્રી પરેશભાઈ પટેલ, શ્રી પ્રકાશભાઈ પટેલ, શ્રી પિયુષભાઈ દેસાઈ, શ્રીમતી અમીષાબેન મોદી, શ્રી મહાદેવભાઈ દેસાઈ, શ્રી કિરણભાઈ દેસાઈ તેમજ દાતા શ્રી નગીનભાઈ પટેલ, શ્રી દિલીપભાઈ પટેલ, શ્રી અરવિંદભાઈ શાહ અને શ્રી અકબરભાઈ મુલતાની ઉપસ્થિત રહ્યા હતા. કાર્યક્રમમાં કેન્દ્રશિક્ષકશ્રીઓ ...