વેણ ફળિયા ક્રિકેટ પ્રીમિયર લીગ–2026નું ભવ્ય આયોજન, નિકુંજ ઇલેવન બની વિજેતા.

     વેણ ફળિયા ક્રિકેટ પ્રીમિયર લીગ–2026નું ભવ્ય આયોજન, નિકુંજ ઇલેવન બની વિજેતા.

તા. 05 માર્ચ 2026ના રોજ ખેરગામના વેણ ફળિયા ક્રિકેટ ગ્રાઉન્ડ ખાતે VEN FALIYA Cricket Premier League – 2026નું ભવ્ય અને ઉત્સાહપૂર્ણ આયોજન કરવામાં આવ્યું હતું. ગામમાં એકતા, ભાઈચારો અને રમતગમત પ્રત્યેનો ઉત્સાહ વધે તે શુભ આશય સાથે આ ટુર્નામેન્ટનું આયોજન કરવામાં આવ્યું હતું. વેણ ફળિયાના નવયુવક રણજીતભાઈ પટેલ દ્વારા આ ક્રિકેટ ટુર્નામેન્ટનું સતત નવમી વખત સફળ આયોજન કરવામાં આવ્યું છે, જે ગામના યુવાનો માટે ગૌરવની બાબત બની છે.

આ પ્રસંગે ખેરગામ તાલુકાના યુવા આદિવાસી સામાજિક કાર્યકર આશિષ પટેલે કાર્યક્રમને સંપૂર્ણ અનુમોદન આપ્યું હતું. તેમના માર્ગદર્શન અને પ્રેરણાથી ગામના યુવાનો વિવિધ સામાજિક, રમતગમત અને સંગઠનાત્મક પ્રવૃત્તિઓમાં ઉત્સાહપૂર્વક જોડાતા રહે છે, જે ગામના સર્વાંગી વિકાસ માટે મહત્વપૂર્ણ છે.

ટુર્નામેન્ટનું ઉદ્ઘાટન ગામના આગેવાનો ગુલાબભાઈ પટેલ, આશિષભાઈ પટેલ, ડૉ. પંકજભાઈ પટેલ, નિકુંજભાઈ પટેલ અને જયેશભાઈ પટેલના હસ્તે કરવામાં આવ્યું હતું. કાર્યક્રમ દરમિયાન ગામના આગેવાનો અને યુવાનોની મોટી સંખ્યામાં ઉપસ્થિતિ જોવા મળી હતી, જેના કારણે સમગ્ર કાર્યક્રમમાં ઉત્સાહ અને ઉમંગનું વાતાવરણ સર્જાયું હતું.

ટુર્નામેન્ટના સફળ આયોજન માટે ગામના દાતાઓએ પણ ઉદાર સહયોગ આપ્યો હતો. તેમાં આશિષભાઈ પટેલ અને ડૉ. પંકજભાઈ પટેલે રૂ. 2500-2500નું યોગદાન આપ્યું હતું. પ્રીતિભોજન માટે અશોકભાઈ પટેલ દ્વારા કરિયાણું આપવામાં આવ્યું હતું, જયદીપ પટેલે શાકભાજી આપીને સહયોગ આપ્યો હતો, ઉજ્વલ પટેલ દ્વારા છાશની વ્યવસ્થા કરવામાં આવી હતી, જ્યારે ટ્રોફી ખેરગામના યુવા અગ્રણી આશિષ પટેલ દ્વારા આપવામાં આવી હતી.

દર વર્ષની પરંપરા મુજબ આ વર્ષે પણ પ્રીતિભોજનનું આયોજન કરવામાં આવ્યું હતું, જેમાં ગામના તમામ આગેવાનો અને યુવાનોને સાથે બેસીને ભોજન કરવાનો અવસર મળ્યો હતો. ભોજનની તૈયારીઓની જવાબદારી ઈશ્વરભાઈ પટેલ અને ગણેશભાઈ પટેલ સહિતના આગેવાનો દ્વારા ઉત્સાહપૂર્વક સંભાળવામાં આવી હતી.

આ ક્રિકેટ ટુર્નામેન્ટમાં વેણ ફળિયાનાં અનેક આગેવાનો અને યુવાનો હાજર રહ્યા હતા. તેમાં આશિષ પટેલ, રણજીત પટેલ, ડૉ. પંકજભાઈ પટેલ, નવીનભાઈ પટેલ, ઉત્તમભાઈ પટેલ, ગુલાબભાઈ પટેલ, ભરતભાઈ પટેલ, જીતુભાઈ પટેલ, મુકેશભાઈ પટેલ, કિરણભાઈ પટેલ, વિક્કી પટેલ, નિતેશ પટેલ, સંદીપ પટેલ, હાર્દિક પટેલ, જયસુખભાઈ પટેલ, ઈશ્વરભાઈ પટેલ, ગણેશભાઈ પટેલ, કાર્તિકભાઈ પટેલ, અશ્વિનભાઈ પટેલ, સુમનભાઈ પટેલ, જયેશભાઈ પટેલ, રાકેશભાઈ પટેલ, ધર્મેશભાઈ પટેલ, જીગ્નેશભાઈ પટેલ અને કમલેશભાઈ પટેલ સહિતના આગેવાનો ઉપસ્થિત રહ્યા હતા.

ટુર્નામેન્ટમાં કુલ 6 ટીમોએ ઉત્સાહપૂર્વક ભાગ લીધો હતો. જેમાં (1) જોહાર ઇલેવન – કેપ્ટન જીગ્નેશ પટેલ, (2) બજરંગ ઇલેવન – કેપ્ટન મિતુલ પટેલ, (3) ખૂંખાર ઇલેવન – કેપ્ટન હાર્દિક પટેલ, (4) VF ચેલેન્જર – કેપ્ટન કેવલ પટેલ, (5) નિકુંજ ઇલેવન – કેપ્ટન નિકુંજ પટેલ અને (6) સાઈ ઇલેવન – કેપ્ટન સંદીપ પટેલનો સમાવેશ થાય છે.

ટુર્નામેન્ટ દરમિયાન તમામ ટીમોએ ઉત્સાહપૂર્વક રમત પ્રદર્શન કરી દર્શકોને રોમાંચક મેચો જોવા મળી. અંતે ફાઇનલ મેચ બજરંગ ઇલેવન (કેપ્ટન મિતુલ પટેલ) અને નિકુંજ ઇલેવન (કેપ્ટન નિકુંજ પટેલ) વચ્ચે રમાઈ હતી. આ રોમાંચક મુકાબલામાં નિકુંજ ઇલેવન ટીમે શાનદાર પ્રદર્શન કરીને વિજેતા બનવાનો ખિતાબ મેળવ્યો હતો, જ્યારે બજરંગ ઇલેવન ટીમ રનર્સ અપ બની હતી.

આ રીતે વેણ ફળિયા ક્રિકેટ પ્રીમિયર લીગ – 2026નું આયોજન સફળતાપૂર્વક પૂર્ણ થયું હતું. રમતગમત દ્વારા ગામમાં એકતા, ભાઈચારો અને સકારાત્મક વાતાવરણ ઉભું થાય તેવા પ્રયત્નો માટે આયોજકો તથા સહયોગીઓને સૌએ અભિનંદન પાઠવ્યા હતા.