શામળા ફળિયામાં નવીન આંગણવાડી કેન્દ્રનું સરપંચ શ્રીમતિ ઝરણાબેન પટેલના વરદ્ હસ્તે ભવ્ય લોકાર્પણ ખેરગામ, તા. 30/07/2026: ગામના બાળકોના સર્વાંગી વિકાસ, પ્રાથમિક શિક્ષણ અને પોષણ સ્તરને વધુ મજબૂત બનાવવાના શુભ આશયથી ખેરગામ તાલુકાના શામળા ફળિયા ખાતે નવનિર્મિત આંગણવાડી કેન્દ્રનું ભવ્ય લોકાર્પણ સમારોહ હર્ષોલ્લાસપૂર્ણ વાતાવરણમાં યોજાયો હતો. આ નવીન આંગણવાડી કેન્દ્રનું લોકાર્પણ ગામના લોકપ્રિય સરપંચ શ્રીમતિ ઝરણાબેન પટેલના વરદ્ હસ્તે શાસ્ત્રોક્ત વિધિ અને રિબન કાપીને કરવામાં આવ્યું હતું. કાર્યક્રમની શરૂઆત દીપ પ્રાગટ્ય સાથે કરવામાં આવી હતી. આંગણવાડીના વર્કર બહેનોએ ઉપસ્થિત મહેમાનો અને ગ્રામજનોનું ઉષ્માભર્યું સ્વાગત કર્યું હતું. ત્યારબાદ સરપંચશ્રીનું પુષ્પગુચ્છ અર્પણ કરીને સન્માન કરવામાં આવ્યું હતું. આ પ્રસંગે સરપંચ શ્રીમતિ ઝરણાબેન પટેલે જણાવ્યું હતું કે, "બાળકો આપણા ગામ અને દેશનું ભવિષ્ય છે. નવી આંગણવાડીના નિર્માણથી નાના બાળકોને ગુણવત્તાસભર પ્રાથમિક શિક્ષણ, પૌષ્ટિક આહાર અને સુરક્ષિત વાતાવરણ મળશે. ગ્રામ પંચાયત શિક્ષણ, આરોગ્ય અને બાળ કલ્યાણના કાર્યો માટે હંમેશા પ્રતિબદ્ધ છે." ...
નવતર ઈકો પર્યાવરણ પ્રોજેક્ટ 2025-26નું પરિણામ જાહેર : જિલ્લાની શાળાઓએ નોંધાવ્યો ઉત્કૃષ્ટ દેખાવ.
જિલ્લા શિક્ષણ અને તાલીમ ભવન (DIET), નવસારી દ્વારા વર્ષ 2025-26 માટેના નવતર ઈકો પર્યાવરણ પ્રોજેક્ટનું પરિણામ જાહેર કરવામાં આવ્યું છે. જિલ્લા શિક્ષણ અને તાલીમ ભવન, નવસારી તેમજ જિલ્લા અને નગર પંચાયત શિક્ષણ સમિતિ, નવસારી દ્વારા જિલ્લામાં પર્યાવરણ જાગૃતિ, સ્વચ્છતા, હરિયાળી અને નવીન શૈક્ષણિક પ્રવૃત્તિઓમાં ઉત્તમ કામગીરી કરનાર શાળાઓને અભિનંદન પાઠવવામાં આવ્યા છે.
આ પ્રોજેક્ટ અંતર્ગત જિલ્લાની વિવિધ તાલુકાની શાળાઓએ ઉત્સાહભેર ભાગ લીધો હતો. શાળાઓએ કેમ્પસ સ્વચ્છતા, વૃક્ષારોપણ, કચરાના વૈજ્ઞાનિક નિકાલ, પાણી સંરક્ષણ, પ્લાસ્ટિક મુક્ત અભિયાન અને પર્યાવરણલક્ષી નવીન પ્રવૃત્તિઓ દ્વારા શ્રેષ્ઠ કામગીરી નોંધાવી હતી.
તાલુકાવાર પરિણામ નીચે મુજબ છે :
જલાલપોર તાલુકો
પ્રથમ - કેસરબા કન્યા વિદ્યાલય, જલાલપોર
દ્વિતીય - ચોરમલા ભાઠા પ્રાથમિક શાળા
તૃતીય - કૃષિ કેમ્પસ પ્રાથમિક શાળા
નવસારી તાલુકો
પ્રથમ - અંબાડા પ્રાથમિક શાળા
દ્વિતીય - પી.એમ.શ્રી છાપરા પ્રાથમિક શાળા
તૃતીય - પ્રાથમિક શાળા, ડભલાઈ
ગણદેવી તાલુકો
પ્રથમ - પ્રાથમિક વિદ્યામંદિર, ભાગડ
દ્વિતીય - ગોયડીભાથલા પ્રાથમિક શાળા
તૃતીય - ધમડાછા પ્રાથમિક શાળા
ખેરગામ તાલુકો
પ્રથમ - જામનપાડા પ્રાથમિક શાળા
દ્વિતીય - બંધાડ રૂ. પ્રાથમિક શાળા, આછવણી
ચીખલી તાલુકો
પ્રથમ - માંડવખડક પ્રાથમિક શાળા
દ્વિતીય - ફડવેલ પ્રાથમિક શાળા
તૃતીય - બોડવાંક પ્રાથમિક શાળા
વાંસદા તાલુકો
પ્રથમ - બુનિયાદી શાળા, રૂપવેલ
દ્વિતીય - વાંસદા કુમાર શાળા, વાંસદા
તૃતીય - ખંભાળિયા પ્રાથમિક શાળા
જિલ્લા શિક્ષણ અને તાલીમ ભવન, નવસારી દ્વારા જણાવવામાં આવ્યું છે કે નજીકના દિવસોમાં વિજેતા શાળાઓ માટે અભિવાદન કાર્યક્રમ યોજાશે, જેમાં શાળાના આચાર્યશ્રીઓને શિલ્ડ તથા પ્રમાણપત્ર એનાયત કરવામાં આવશે.
આ પ્રોજેક્ટ દ્વારા વિદ્યાર્થીઓમાં પર્યાવરણ પ્રત્યે જાગૃતિ, જવાબદારી, સ્વચ્છતા અને હરિયાળી પ્રત્યેનો સંદેશ વધુ મજબૂત બન્યો છે. જિલ્લાની શાળાઓ દ્વારા કરવામાં આવેલી આ કામગીરી અન્ય શાળાઓ માટે પણ પ્રેરણારૂપ સાબિત થશે.
#KhergamNews #EcoProject2025 #Navsari #Khergam #GreenSchool #SchoolAchievement #DIETNavsari #EnvironmentAwareness #JamnapadaPrimarySchool #BandhadPrimarySchool #AchhavaniSchool #KesarbaKanyaVidhyalay #AmbadaPrimarySchool #BhagadVidyamandir #MandvakhadakPrimarySchool #RupvelSchool #VansdaKumarShala #CleanCampus #TreePlantation
KHERGAM NEWS
Comments
Post a Comment