ધરમપુર તાલુકા પ્રાથમિક શિક્ષક સંઘની ચૂંટણી સર્વાનુમતે પૂર્ણ, વર્ષ 2026-27 અને 2027-28 માટે હોદ્દેદારો તથા જિલ્લા કારોબારી બિનહરીફ જાહેર.

    ધરમપુર તાલુકા પ્રાથમિક શિક્ષક સંઘની ચૂંટણી સર્વાનુમતે પૂર્ણ, વર્ષ 2026-27 અને 2027-28 માટે હોદ્દેદારો તથા જિલ્લા કારોબારી બિનહરીફ જાહેર.

ધરમપુર તાલુકા પ્રાથમિક શિક્ષક સંઘની વર્ષ 2026-27 અને 2027-28 માટે પ્રમુખશ્રી, ઉપપ્રમુખશ્રી, મહામંત્રીશ્રી, ખજાનચીશ્રી, સહમંત્રીશ્રી તથા જિલ્લા કારોબારીના સભ્યો માટે યોજાયેલી ચૂંટણી સર્વાનુમતે પૂર્ણ થઈ હતી. ચૂંટણી પ્રક્રિયા પૂર્ણ થતાં તમામ ઉમેદવારો બિનહરીફ જાહેર કરવામાં આવ્યા હતા.

ચૂંટણીમાં પ્રમુખ તરીકે શ્રી મનોજકુમાર રમણલાલ પટેલ (તિસ્કરી તલાટ પ્રાથમિક શાળા), ઉપપ્રમુખ તરીકે શ્રી ભૂપેન્દ્રભાઈ નાથુભાઈ મહાકાળ (જાગીરી પ્રાથમિક શાળા), મહામંત્રી તરીકે શ્રી રામચંદ્રભાઈ હુનીયાભાઈ માહલા (ડુંગરસેત ભવાડા પ્રાથમિક શાળા), ખજાનચી તરીકે શ્રી સંજોગકુમાર કાળીદાસ પટેલ (કરંજવેરી પ્રાથમિક શાળા) તથા સહમંત્રી તરીકે શ્રી નિતીનકુમાર ધીરૂભાઈ આહીર (મોટી ઢોલડુંગરી પ્રાથમિક શાળા) બિનહરીફ ચૂંટાઈ આવ્યા છે.

જિલ્લા કારોબારી માટે પણ કુલ 10 સભ્યો બિનહરીફ જાહેર થયા છે. જેમાં શ્રી પરેશભાઈ ધનસુખભાઈ પટેલ, શ્રી અલ્પેશભાઈ મોહનભાઈ પટેલ, શ્રી હિરેનકુમાર દુર્લભભાઈ રાઠોડ, શ્રી કનૈયાલાલ રમણભાઈ પટેલ, શ્રી જીવણભાઈ ધેડગાંભાઈ કાહડોળિયા, શ્રી સુનિલભાઈ સોમાભાઈ થોરાત, શ્રી અમિતકુમાર કિશોરભાઈ થોરાત, શ્રી વિજયભાઈ રમતુભાઈ થોરાત, શ્રી અજીતભાઈ માંદિયાભાઈ પાડવી તથા શ્રી શાંતુભાઈ બચુભાઈ ગાર્ડરનો સમાવેશ થાય છે.

સમગ્ર ચૂંટણી પ્રક્રિયા સુચારુ અને સર્વાનુમતે પૂર્ણ થતાં શિક્ષક સમાજમાં આનંદ અને ઉત્સાહનો માહોલ જોવા મળ્યો હતો. નવનિયુક્ત હોદ્દેદારો તથા જિલ્લા કારોબારીના સભ્યો શિક્ષકોના હિત, સંગઠનની એકતા અને શિક્ષણ ક્ષેત્રના સર્વાંગી વિકાસ માટે નિષ્ઠાપૂર્વક કાર્ય કરશે તેવી આશા વ્યક્ત કરવામાં આવી છે.

વિશેષરૂપે નવસારી જિલ્લા પ્રાથમિક શિક્ષક સંઘના હોદ્દેદારશ્રીઓએ ધરમપુર તાલુકા પ્રાથમિક શિક્ષક સંઘના નવનિયુક્ત તમામ હોદ્દેદારો અને જિલ્લા કારોબારીના સભ્યોને હાર્દિક શુભેચ્છાઓ પાઠવી, તેમના સફળ અને જનહિતકારી કાર્યકાળ માટે શુભકામનાઓ વ્યક્ત કરી છે.